فتة شاورما الدجاج


فتة شاورما الدجاج

اولا الشاورما
المقادير :
نصف كيلو صدور فراخ مقطعة شرائح رفيعة
بصلة كبيرة مقطعة شرائح
طماطم و فلفل اخضر
كوب خل أبيض (أو ما يغطى الفراخ)
ملح وفلفل اسود



الطريقة:
- فى طبق عميق نضع الفراخ وعليها شرائح البصل ونغطيها بالخل وملح وفلفل
- ونقلب كويس
- ونغطيها ونسيبها فى الثلاجة من الليل .. وثانى يوم نطلع الفراخ فى طاسة من غير أى مواد دهنية .. ونصفيها كويس من الخل
- ونقلبها على نار هادية لغاية ما تنزل كل السوائل اللى فيها وتشربها تانى وتنشف شوية
- ونجهز حبة طماطم وحبة فلفل أخضر
- ونضيفهم على الشاورما اول ما تستوى و نقلب تقليبتين و نطفي

ثانيا الخبز

- نجيب عيش شامى ونقطعه مكعبات وفى ملعقة من السمن نحمره على النار

ثالثا الثومية
المقادير :
علبة زبادى 
ملعقة كبيرة مايونيز
ملح 
ثوم مفروم

 تخلط المقادير مع بعض

رابعا ارز ابيض مسلوق او ارز بسمتي بالكاري

يوضع الارز ثم العيش ثم الشاورما ثم التومية