لحمه شرايح بالارز


لحمه شرايح بالارز
  

    المكونات

  • كيلو لحمه شرايح اتخن من البوفتيك شوية
  • بصله شرايح
  • معلقه صلصه
  • رشه قرفه وبهار وملح خفيف وفلفل اسود وروز مارى مطحون وجنزبيل
  • ربع كوباية ماية
  • معلقة زيت
  • ارز نى حسب الرغبة
  • مياه لتسوية الارز وورقه لورى وحبهان وملح وفلفل وبهار

    الخطوات

  1. لحمه شرايح اتخن من البوفتيك شوية نحطها فصنية ونقطع عليها بصله شرايح ومعلقه صلصه ورشه قرفه وبهار وملح خفيف وفلفل اسود وروز مارى مطحون وجنزبيل وندعك اللحمه كويس اوى بالخلطه دى بعد كده نرصها كويس فالصنية ونحطلها ربع كوباية ماية ونسبها على نار هادية لحد ماتستوى
  2. بعد كده ننقلها فحله نرصها فوق بعض عشان تكفى ونحط فوقها رشه زيت وارز نى وفالحله اللى سوينا فيها اللحمه نحط مقدار كوب ماية وملح وبهار وفلفل اسود ونخلطهم بالماية ونكحت الصنية كويس عشان الطعم بتاع اللحمه اللى لزقت فالصنية يطلع وبعد كده نصبه عالارز ونضفله ورقه لورى وحبهان ونشوف اذا كان محتاج ماية زياده ولا لا ومانقلبش الارز خالص ونسيبه يستوى السوا العادى بتاعه بعد كده نسيبه ربع ساعه بعد ماطفينا عليه ونقلبه الحله على طبق تقديم
  3. انا سويته فنفس الصنية بتاعت اللحمه فكل حته لحمه طلعت بحبه رز على قدها