طريقة عمل فراخ بالمشمش بالطريقة الهندية


طريقة عمل فراخ بالمشمش بالطريقة الهندية

    المكونات

  • 1 كيلو صدور فراخ مخلية (او اكثر على حسب عدد الافراد) مقطعة قطع متوسطة الحجم
  • 2 ملعقة شاي توابل جارام ماسالا (كمون- كركم - فلفل - قرنفل - قرفة - حبهان)
  • 1 ملعقة شاي ثوم مفروم
  • ملح وفلفل اسود
  • 2 ملعقة شاي زيت زيتون
  • نص بصلة مفرومة
  • 1,5 كوب شوربة فراخ
  • 1 كوب مشمش مجمد
  • ربع كوب خل ابيض
  • 1 ملعقة شاي صوص شطة
  • 1 ملعقة شاي لمونة
  • 1 ملعقة كبيرة زبدة

    الخطوات

  1. فى البداية تخلطى قطع الفراخ مع توابل جارام ماسالا و الثوم المفروم والملح والفلفل، وتحفظيهم.
  2. ثم تحضرى طاسة القلى وعلى نار متوسطة تبدأى تشوحى البصل لمدة 5 دقايق.
  3. ثم تضيفى على البصل الفراخ وتشويحها لمدة 5 دقايق او لغاية ما يتغير لونها. وتضعيها جانبا.
  4. ثم فى نفس الطاسة (بعد ما تضعى الفراخ جانبا) وعلى النار تضيفى كوب من شوربة الفراخ، حتى تغلى. ثم تزيلى الريم من الشوربة.
  5. ثم تضيفى على الشوربة المشمش المجمد مع الخل مع التقليب.
  6. بعد ذلك تضيفى نصف كوب الشوربة الباقى مع صوص الشطة مع التقليب.
  7. بعد هذا تضيفى الفراخ على صوص الشوربة فى الطاسة، وتتركيها على النار لمدة 10 دقائق حتى تستوى الفراخ.
  8. وقبل التقديم مباشرة تدهنى الفراخ بملعقة الليمون والزبدة.
  9. يمكن تقديمها مع ارز وخضار .
  10. وبالهنا والشفا...