صدور بط بالعسل والصويا والزنجبيل


صدور بط بالعسل والصويا والزنجبيل

 

 

    المكونات

  • صدور بط بالجلد
  • رشة ملح
  • قرن فلفل احمر حامى مقطع
  • رشة فلفل اسود مطحون
  • نص كوب شوربة فراخ (او بط)
  • 2 ملعقة كبيرة عسل
  • 2 ملعقة كبيرة صوص صويا
  • 2 ملعقة كبيرة خل عنب
  • 1 ملعقة كبيرة زنجبيل طازة مفروم
  • 1 ملعقة كبيرة عصير طماطم (سميكة)
  • رشة شطة حمرا
  • 1 ملعقة كبيرة ليمون معصور

    الخطوات

  1. اول خطوة انك تسخنى الفرن على درجة 200.
  2. بسكينة حامية تعملى اربع فتحات فى صدور البط بين الجلد والدهن اللى تحته، وتحشيه بالملح وقطع الفلفل الحامى والفلفل الاسود.
  3. بعد كدة تجيبى طاسة وتسخنيها على البوتاجاز على نار متوسطة، وتجيبى صدور البط وتشوحيها الاول من ناحية الجلد لغاية ما يبقى لون الجلد ذهبى شوية لمدة 5 دقايق.
  4. بعد كده تشيلى بالمعلقة الدهن اللى نزل من البط فى الطاسة، وتقلبى البط يتشوح على الوش التانى لمدة دقيقة واحدة بس.
  5. بعد كده تدخلى البط وهو فى الطاسة فى الفرن وتسبيه لغاية ما يستوى كويس.
  6. بعد كدة تطلعية من الفرن وتغطية بورق الومنيوم، وتشيلى الدهون اللى نزلت من البط فى الطاسة.
  7. بعد كدة تضيفى فى الطاسة الشوربة، صوص الصويا و خل العنب، والزنجبيل و صلصة الطماطم، والشطة وعصير الليمون، وتخلطيهم وتقلبيهم على نار عالية، وتسيبي الطاسة تغلى لمدة دقيقتين.
  8. بعد كدة تقطعى صدور البط لشرايح دائرية رفيعة، وتضيعها فى طبق التقديم وفوقيها الصوص اللى فى الطاسة. وفوقيهم العسل
  9. وبالهنا والشفا...