ارز مقلى بالخضار والمشروم


ارز مقلى بالخضار والمشروم

 

 

    المكونات

  • ربع كوب شوربة فراخ
  • 2 ملعقة شاي صلصة صويا (ملح خفيف)
  • نص ملعقة شاي زيت سمسم
  • نص ملعقة شاي زيت نباتى
  • 2 قطعة جزر مقشر ومقطع شرائح
  • 1 فلفل احمر (منزوع البذر) مقطع شرائح
  • 1 بصلة مقطعة قطع صغيرة
  • 2 ملعقة كبيرة زنجبيل طازة مقشر ومفروم
  • 100 جرام فطر عيش الغراب مقطع
  • 2 فص ثوم مفروم
  • 2 ورقة كرنب ابيض مقطع شرائح رفيعة
  • رشة ملح
  • نص كيلو ارز ابيض مطبوخ

    الخطوات

  1. اول خطوة تجيبى طبق غويط وتخلطى فيه شوربة الفراخ مع صوص الصويا وزيت السمسم، وتحفظيهم علشان هاتستخدميه فى الاخر.
  2. بعد كده تجيبى طاسة تيفال غويطة، وتبتدى تحمى الزيت على نار متوسطة.
  3. بعد كده تضيفى شرائح الجزر والفلفل والبصل والزنجبيل، وتفضلى تقلبى فيهم لغاية ما يتشوحوا كويس.
  4. بعد كده تضيفى عليهم عيش الغراب والثوم، وتسبيهم على النار لمدة 5 دقايق، مع التقليب المستمر.
  5. بعد كدة تضيفى شرائح الكرنب والملح. وتقلبى لمدة 10 دقايق لغاية ما لون القرنب يذبل .
  6. بعد كده تضيفى عليهم الارز وفوقهم الشوربة اللى عملتيها فى الاول، وتقلبيهم كويس لغاية ما تبتدى الشوربة تسخن.
  7. تقدم دافئه، وبالهنا والشفا...