قطع اللحم بصوص الصويا


قطع اللحم بصوص الصويا

 

 

    المكونات

  • ربع كوب سمن نباتى
  • 1,5 كوب قطع صغيرة لحم بتلو
  • 1 كوب بصلة مفرومة
  • 1 كوب مية سخنة
  • 1 ملعقة شاي ملح
  • رشة فلفل اسود مطحون
  • ثلث كوب مية ساقعة
  • 2 ملعقة كبيرة نشا ذرة
  • 2 ملعقة شاي صلصة (صوص) صويا
  • 1 ملعقة شاي سكر ابيض
  • 2 او 3 كوب حبات فاصوليا بيضة صغيرة او بسلة

    الخطوات

  1. فى طاسة تيفال غويطة تبتدى تسيحى السمنة.
  2. بعد كدة تحطى اللحمة وتشوحيها.
  3. اول ما اللحمة يبتدى لونها يتغير، تضيفى عليها البصل المفروم. وتشوحيهم 5 دقايق مع بعض.
  4. بعد كده تضيفى عليهم الكرفس المفروم و والمية السخنة مع الملح والفلفل الاسود. وتسبيهم لمدة 5 دقايق على نار هادية .
  5. بعد كدة تضيفى الفاصوليا (او البسلة)، وتسبيهم على النار لغاية اول ما تبتدى المية تغلى. وتشليها من على النار.
  6. وبرة فى طبق غويط ، تخلطى المية الساقعة مع نشا الذرة و صوص الصويا مع السكر.
  7. بعد كدة تضيفهم على اللحمة اللى فى الطاسة، وتسبيهم على النار لمدة خمس دقايق.
  8. تقدم ساخنة مع ارز، وبالهنا والشفا...