الزلابية المغربى أو الجابيلى


الزلابية المغربى أو الجابيلى

    المكونات

  • 180 جرام دقيق
  • 2 ملعقة كبيرة زيت ذرة
  • 1 ملعقة كبيرة خميرة
  • 1 ملعقة شاي زبادى
  • 2 ملعقة كبيرة زيت زيتون
  • 1 ملعقة كبيرة الوان طعام
  • ميه
  • عسل
  • مية ورد

    الخطوات

  1. اول حاجة تجيبى طبق غويط وتخلطى فيه الدقيق مع زيت الذرة مع الخميرة.
  2. بعد كدة تقومى ضايفة معلقة الزبادى وبعدها زيت الزيتون، وبعدين تحطى المية شوية شوية وانتى بتقلبى لغاية ما تبقى عجينة ناعمة وسايلة.
  3. بعد ما تبقى العجينة ناعمة وسايلة، تروحى ضايفة معلقة الالوان، وتسبيها حوالى نص ساعة كدة (لو بتعميلى الوصفة دة فى الشتا سبيها حوالى ساعة).
  4. بعد النص ساعة ما تخلص، تقومى حاطة قلاية الزيت على النار، وتجيبى ازازة يكون غطاها ببوز رفيع، وتحطى فيها العجين.
  5. بعد ما الزيت يقدح تبدى ترسمى بالعجين على الزيت زى ما انتى شايفة فى الصورة او اى اشكار تحبيها. وتقلى العجين على الوشين.
  6. بعد ما تقليهم تطلعيهم فى طبق التقديم، وترشى عليهم العسل مع مية الورد. وبالهنا والشفا.