شوربة الحريرة المغربية


شوربة الحريرة المغربية

    المكونات

  • 10 ثمرة طماطم
  • 1 عود كرفس مقطع
  • بقدونس مفروم
  • كزيرة مفرومة
  • سمنة
  • 80 جرام عدس نص سوى
  • 80 جرام شعرية نص سوى
  • 50 جرام حمص نص سوى
  • 1 ملعقة كبيرة دقيق
  • ميه
  • فلفل اسود
  • كمون
  • زعفران
  • قرن فلفل حامى
  • جنزبيل
  • عصير طماطم
  • 1 كيلو لحمة قطع
  • زيت

    الخطوات

  1. فى حلة كبيرة فيها ميه تقطعى الطماطم (انصاص) وتحطيها مع البقدونس والكزبرة والكرفس، وتسبيها على النار لمدة ساعتين.
  2. بعد الساعتين تكون الطماطم استويت(اتهرت)، والمية يكون اتبخر منها التلت كدة، تاخدى كل اللى فى الحلة وتفرميه كويس، وتغطيه.
  3. بعد كدة تجيبى حلة تانية وتحطى فيها زيت علشان تشوحى قطع اللحمة.
  4. بعد ما تشوحى اللحمة كويس، تضيفى عليها مرقة الطماطم (من اللى كانت فى الحلة الاولى) وتسبيها لمدة 15 دقيقة كدة على النار، لغاية لما تبقى المية (مرقة) شوربة.
  5. وبعد كده اول ما الميه تغلى تروحى ضايفة عليها الطماطم المفرومة مع البقدونس والكرفس والكزبرة اللى عملتيهم الأول، و فوقها التوابل والبهارات اللى عندك وتقلبى كويس، وبعد كدة تضيفى السمنة وتقلبيها.
  6. وتسبيها لمدة عشر دقايق على النار، واول ما تبتدى تغلى تانى تروحى حاطة عليها العدس والشعرية والحمص، وتسبيها على نار هادية لمدة 20 دقيقة.
  7. وبعد كدة تجيبى طبق صغير وتحطى فيه معلقة الدقيق وعليهم شوية مرقة طماطم (من اللى كانت فى الحلة الاولى) وتقلبيهم كويس، وتروحى ضايفها على الحلة، وتسيبى الحلة بعد كدة لمدة 5 دقايق على النار.
  8. بعد كدة ترفعيها من على النار وتقدميها سخنة. وبالهنا والشفا.