كوارع بشوربة الحمص


كوارع بشوربة الحمص

    المكونات

  • 3 قطع كوارع مقطعين قطع متوسطة
  • نص بصلة مفرومة
  • 1 ثمرة طماطم مفرومة
  • 2 ثوم مفروم
  • مرقة لحمة (شوربة)
  • بقدونس اخضر
  • 3 كوب حمص شام منقوع
  • زيت
  • 1 ملعقة شاي ملح
  • 1 ملعقة شاي كركم
  • 5, ملعقة شاي فلفل اسود
  • عود زعفران
  • قرن فلفل حامى

    الخطوات

  1. تاخدى الكوارع و تغسليهم كويس.
  2. وبعد كدة تجيبى حلة وسط وتحطى فيها زيت وعلى البوتاجاز تشوحى البصل والثوم.
  3. وبعد لما يبقى لونهم دهبى كدة تضيفى عليهم الطماطم المفرومة، الكوارع، الملح، المرقة او الشوربة، والتوابل بتاعتك.
  4. وتقلبيهم كويس مع بعض و تسبيهم على نار متوسطة كدة لمدة 5 دقايق.
  5. بعد الخمس دقايق، تقومى حاطة عليهم الماية الدافية، الحمص، والبقدونس، وتغطيهم لمدة ساعة (الوقت على حسب كمية الماية اللى بتحطيها) على نار متوسطة لغاية ما الكوارع تستوى.
  6. بعد كدة تطلعيها وتقدميها سخنة مع عيش .