كفتة الفرن


كفتة الفرن

    المكونات

  • 1 كيلو لحم مفروم
  • 2 ثمرة بصل كبيرة مفرومة
  • 5 ملعقة كبيرة بقدونس اخضر مفروم
  • 1 عود كزبرة اخضر مفروم
  • 1 ملعقة كبيرة فلفل اسود
  • 5, ملعقة كبيرة قرفة مطحونة
  • 2 ملعقة كبيرة زبدة او زيت زيتون
  • 100 جرام صنوبر
  • ملح
  • 1 كوب طحينة
  • 2 كوب مية
  • 2 ثمرة ليمون معصورين
  • 1 كيلو طماطم مقطعة ترانشات
  • 400 جرام صلصة طماطم
  • كمون مطحون

    الخطوات

  1. تخلطى كويس جدا اللحمة المفرومة مع البصل، البقدونس، الكزبرة، الفلفل الاسود، الكمون، القرفة، والملح.
  2. بعد كدة تدهنى صينية الفرن بالزبدة أو بزيت الزيتوت (زى ما تحبى)، وبعدين تصبعى الكفتة (وياريت سمكها ما يكونش اكبر من 2سم) وتشوحيهم حاجة بسيطة خالص فى الطاسة بزيت الزيتون قبل ما تحطيهم فى الفرن، وبعدين ترصيهم فى صينية الفرن.
  3. وبعدين تحطى الكفتة فى الفرن لمدة 20 دقيقة على درجة حرارة .220
  4. وبعد كدة تحضرى الصلصة: تخلطى الطحينة مع عصير الليمون، ملح وكوبايتين المية (اهم حاجة تكون الصلصة سايلة تماماً)، وبعد كدة تغطيها كويس .
  5. بعد العشرين دقيقة ما يخلصوا تقومى تطلعى الصينية من الفرن و ترشى الصلصة والصنوبر على الوش فوق الكفتة، و بعدين ترصى ترانشات الطماطم عليها ومعاهم شوية صنوبر.
  6. ممكن قبل ما تغطى وش الكفتة بالصلصة والصنوبر والطماطم، ممكن تحطى شرايح بطاطس، أو صوابع بطاطس مقلية وبعد كدة ترشى الصلصة والصنوبر وتغطيهم بشرايح الطماطم.
  7. وبعد كدة ترجعيها تانى الفرن لمدة 30 دقيقة.
  8. تقدم ساخنة مع أرز و سلطات ومخللات، وبالهنا والشفا