بطاطس بعجينة الشو


 بطاطس بعجينة الشو

 بطاطس بعجينة الشو او زى ما بنتى مسامياها (بوزو البطاطس):بتكفي 4 اشخاص,

مقادير الاكلة

  1. 8\1 كيلو زبده
  2. 3\4 كوب مياه
  3. 3\4 كوب دقيق
  4. 2بيض
  5. 3 ْبطاطس وسط مسلوقين(نكون متبلين البطاطس بعد مانهرسها كويس جدا ومايكونش فيها كُتَل

طريقة عمل بطاطس بعجينة الشو

  1. *نجيب حله صغيرة ونحط فيها الزبدة والمياه لحد ماتدوب بعد كده نضيف الدقيق ونقلب لحد ماتتجمع معانا عجينة
  2. *نرفعها من عالنار ونضيف البيض واحدة واحدة علشان مايستويش من سخونة العجين
  3. *ْنضيف عليهم البطاطس بس نكون هارسنها كويس ومايكونش فيها كُتَل
  4. *نحط الخليط ده كله فى كيس حلوانى او كيس بلاستيك عادى ونفتحه من تحت زى كيس الحلوانى ونكون محضرين طاسة فيها زيت نسيبه يقدح بعد كده براحة ننزل العجين فيه حتت ضغيرة زى البوزو ممكن وانتو بتنزلوا تعملوها بالسكينه علشان ماتلزقش فى ايديكم بس تكونو موطيين عالزيت علشان تكون مقرمشه من برة وهاشه من جوه، وتقدم


المصدر